Bi urteko Zaldibar eitten parte-hartze prozesuaren ondorioak daude jasota dokumentu horretan, eta, hirigintza arloan, herriaren datozen urteetarako garapenaren ardatzak zehazten ditu; adituen azalpenek lagunduta, herritarrek tailer eta erakusketetan ezarritako lehentasunen arabera diseinaturikoa da. Besteak beste, herrigunean trafikoa gutxitzeko eta oinezkoentzako guneak sortzeko jarraibideak ematen ditu planak.
Gobernu taldeak azaldu duenez, datozen bi hilabete eta erdian, Zaldibarko Hiri Antolamendurako Plan Orokor honi alegazioak egiteko aukera edukiko dute herritarrek. Datozen asteetan, bestalde, Plan Orokorraren inguruko erakusketa bat ipiniko dute udaletxeko sarreran, eta, parte-hartze prozesuan bezala, udalarentzat lan egin duten teknikariak egongo dira herritarrei argibideak emateko.