Azaroaren 14an, 15ean eta 16an, aldiz, Ilargi argazki taldeko zazpi egileren lanak ipiniko dituzte Zaldibarren, erakusketan. Hirugarren asteburuan, Fernando Retolaza eibartarraren Nepal, mendia eta hiria bildumako argazkiak erakutsiko dituzte.
Euskal Herria kaleko 8. zenbakiko lokalean atonduko dituzte erakusketa guztiak. Barikuetan (18:00etatik 20:00etara), zapatuetan (12:00etatik 14:00etara eta 18:00etatik 20:00etara) eta domeketan (12:00etatik 14:00etara) egongo dira ikusgai.
Ilargi argazki taldeak antolatu duen XXIV. Argazki Lehiaketara lanak aurkezteko epea ere hil honetan amaituko da: azaroaren 19an. Lehiaketa horretara aurkezturiko argazkietako batzuk erakutsiko dituzte azaroko azken asteburuan: 28an, 29an eta 30ean.