Bilboko Emari enpresako teknikari batek beteko du berdintasun teknikari lanpostua, eta enpresa horrek berdintasunerako aholkularitza eskainiko dio udalari. Bizkaiko Foru Aldundiaren homologazioa du Emari taldeak, arlo horretan laguntza teknikoa emateko. Astean bost orduz ariko da teknikaria Zaldibarren lanean.
Gizonen eta emakumeen berdintasunaren alde Zaldibarko Udaletik pausoak emateko lan egingo du teknikariak datorren astetik aurrera, Berdintasun Arloko zinegotziagaz eta herriko emakume elkarteagaz lankidetzan. Berdintasun Plana garatzeko helburuagaz jardungo da, besteak beste.