Tabernetako terrazen kokapena arautu gura du gobernu taldeak, 2011. urtean onarturiko ordenantza berrizteko. Arantza Baigorri alkatearen berbetan, udalaren betebeharra da "tabernariek terraza ipintzeko duten nahia aintzat hartzea, eta oinezkoen zein elbarrien mugikortasun eskubideen alde egitea".
Hirigintza Batzordean landu dute ordenantza berrirako proposamena, eta herriko 13 tabernatako arduradunak batzar batera deitu dituzte udal arduradunek, asteon. Lau tabernarik hartu zuten batzarrean parte. Euren terrazak kokatzeko proposamena egin diete tabernariei, udaleko aparejadoreak egindako lanean oinarrituta.
Gobernu taldeak adierazi du asmoa duela terrazen ordenantza berria martxo amaierako udalbatzarrean proposatzeko.