2012/2013 ikasturtean euskara ikasten jardun duten ikasleentzako dirulaguntzak bideratuko ditu udalak.Urriaren 15ean bukatuko da eskabideak eta agiriak aurkezteko epea.
Dirulaguntza jaso ahal izateko beharrezkoa da herrian erroldatuta egotea, eta gutxienez %80ko asistentzia ziurtatzea. Matrikularen ordainagiria eta euskaltegiaren txostena aurkeztu beharko dira eskaria egiteko: buruturiko ikastaroaren ordu kopurua, asistentzia eta urrats bakoitzeko fitxa jaso behar ditu txosten horrek.
Ikastaro ez-trinkoen kasuan, matrikularen kostuaren %75 jasoko dute %80-90 arteko asistentzia erakusten dutenek. Bestalde, eskatzailea ikastaroaren saioen %90era joan bada, matrikularen %90 jasoko du, eta saio guztietara joan denak dirulaguntza osoa jasoko du. Ikastaro trinkoei dagokienez, kostuaren erdia ordainduko du Zaldibarko Udalak.