Zaldibarko jaietarako kartel lehiaketa hutsik uztea erabaki du udalak plagio salaketa bat dela-eta. Arantza Baigorri alkateak baieztatu duenez, "2010eko Hondarribiko jaietako kartel egilearen senitarteko batek udalera deitu du, plagioa gertatu dela salatuz. Irabazleari saria ez ematea erabaki dugu". Ainhoa Zabarte Zaldibarko kartelaren egileak bi kartelek antza dutela aitortu duen arren, berak ez duela kopiatu nabarmendu du.