Argiteria eta seinaleztapena atonduko dituzte.
Eibar, Zaldibar eta Elgetako lurretako Ibur-erreka industriagunean seinaleztapena eta argiteria ipintzeko proiektua onartu zuten, joan zen asteko udalbatzarrean, aho batez. Zaldibarko Udalaren onarpenagaz, orain, Eibar eta Elgetako udalbatzarretan ere onetsi beharko dute Ibur-erreka industriagunea atontzeko 35.400 euroko proiektua.
Jose Andres Urizar hirigintzako zinegotziak azaldu zuenez, industriaguneko konpentsazio-batzordeak ordainduko du obra. “Batez ere, segurtasun arloan inguru horrek dauzkan gabeziak konpontzea oso beharrezkoa da”, adierazi zuen Arantza Baigorri alkateak.