Eibar, Ermua eta Mallabiako Udalekin eta Gurutze Gorriagaz elkarlanean burutu du jostailuak batzeko kanpaina Zaldibarko Udalak. Oso gustora daude herritarren kolaborazioagaz.
Beharrizana duten herriko etxeetara banatzeko jostailu erabiliak batzeko kanpaina azaltzeko bandoa kaleratu zuen Zaldibarko Udalak. Hiru egunez batu dituzte herritarrek eramandako jostailuak udaletxean, eta Gurutze Gorriarekin elkarlanean jardun dute egoera ekonomiko zaila bizi duten familiei banatzeko.
Kanpainak izandako harreragaz oso pozik eta eskertuta agertu dira udaleko arduradunak.