Zapatuan eta domekan burutuko dituzte jardunaldi mikologikoaren barruko ekimenak. Basora perretxiko bila joan, eta batutakoaren sailkapena egingo dute, hasteko, zapatuan. Udaletxeko sarreran, 16:00etan ipini dute batutako perretxikoen sailkapena egiteko hitzordua.
Domeka goizean, aldiz, erakusketa mikologikoa atonduko dute, udaletxeko plazan. Txiki eta gazteekin buztina lantzen jardungo du herriko zeramika elkarteak, gainera, domekan, 10:00etatik aurrera.