Neska gazteei eta emakumeei zuzenduriko ikastaro bat antolatu du udalak: Autodefentsa Feminista.
Biktimismotik aldendu eta egoera arriskutsuei norberak aurre egiteko gaitasuna landuko dute saioetan. Horretarako, alderdi fisikoa ezezik, arlo psikologikoa eta teorikoagoa ere jorratuko dituzte.
Irailaren 19ra arte eman ahalko da izena ikastaroan parte hartzeko. Irailaren 29an izango da ikastaroa, goiz eta arratsaldez (10:00etatik 14:00etara, eta 15:30etatik 19:30etara), eta Solobarriako gimnasioan batuko dira andrak, teoria eta praktika lantzeko.