Bildu, EAJ eta PP alderdien aldeko botoekin onartu zuten udaleko lanpostuen zerrenda, pasa den eguazteneko udalbatzarrean.
Udalaren 2012rako aurrekontu proposamenagaz batera proposatu zuen Bilduko gobernuak langileen zerrenda, eta PSE-EEko zinegotzi bien abstentzioagaz onartutzat eman zuen udalbatzarraren gehiengoak.
Onarpenagaz, Zaldibarko Udalaren lanpostu-zerrendan sartu dute KZguneko langilearen lanpostua.
Horrenbestez, hamalau langile, aparejadorea, eta arkitektua dira Zaldibarko Udalaren lanpostuen zerrendak barne hartzen dituen lanpostuak.