Zortzi urte dira herriko gazteak Olazar gaineko eraikinean lehenengo biderrez bildu zirela.
Zaldibarko Gaztetxeak ateak zabaldu zituenetik zortzi urte beteko dira bihar, martxoaren 6an. Hori dela-eta, ospakizunerako ekintzak prestatu dituzte, baina ez dira egun horretara bakarrik mugatuko.
Urtemuga egunean arratsaldeko 19:00etan elkartuko dira Gaztetxean, luntxagaz eta txapliguekin jardunaldiari hasiera emateko. Barikuan umeentzako jolasak prestatuko dituzte arratsaldez, eta gauez Etxeren kontzertua ikusteko aukera edukiko dute.
Zapatuan, bazkaria
Martxoaren 10erako herri-bazkarirako deia egin eta txartelak salgai ipini dituzte Castet elkartean. Eguenera arte eskuratu ahal izango dira txartelak, 9 euroan; ikasle eta langabetuek 7 euro ordainduko dute. Gauean kontzertuekin jarraituko du festak.