Ikastolei ematen izan zaizkien 665 euroak Nafarroako zentro horri emango dizkio, "egoera larria" bizi dutela-eta.
Nafarroako Euskararen Legearen arabera, eremu ez-euskaldunean kokatuta dago Lodosa-Sartagudako ikastola. Hori dela-eta, "ez du ia diru-laguntzarik jasotzen, eta egoera oso larrian dago" azaldu du Arantza Baigorri alkateak. Euskarazko hezkuntza jasotzeko eskari "nahikoa" dagoela dio Baigorrik: "hainbat familiak, oztopo guztien gainetik, hezkuntza hori eman gura dieta euren seme-alabei". Alkatearen ekimenez eta babesa agertu guran, ikastolei urtero zatituta ematen dieten diru-laguntza aurten osorik ikastola honetara bideratzea onartu dute, aho batez, Euskararen informazio-batzordean.