Udaleko gobernu taldearentzat “egun garrantzitsua” izan zen zapatukoa; horrela diote auzolaneko ekimena baloratzerakoan.
![\"\"](\"/fc_imagenes/zaldibar1.jpg\")
Auzolana euren “programaren eta irizpideen zati garrantzitsua” dela diote, eta pozik azaldu dira jendeak erantzun egin zuelako. 40 herritar batu ziren, aitzurra eta pala eskuan, parke bitan lan zehatzak egiteko: Lehendakari Agirrekoan harri bolkanikoa kendu zuten, eta Tabernasolokoan zuloak estali.
“Zaldibartarrek jakin behar dute herriaren parte direla; parte hartu behar dute herriaren bizitzan eta eraikuntzan”, diote. Gainera , euren ustez, “krisi garai honetan auzolanak aukera ematen digu dirua aurrezteko”.