Maila ugari daude aukeran izena emateko, baita praktikarako Berbalagun egitasmoa ere.
Zaldibarko Udalak euskara ikastaroetan apuntatzeko epea zabaldu du. Irailaren 22ra arte iraungo du matrikulazio eskaintzak.
Euskalduntzea, autoikaskuntza, 3. maila/EGA, HABE azterketa ofizialak, C2/4. maila, on-line ikastaroak, guraso taldeak eta hizkuntza eskakizunen atalak daude aukeran. Gainera, Berbalagun egitasmoan parte hartzeko aukera ere badago, azaldu dutenez.
Gurasoek astean hiru edo lau egunez ikasiko dute, 14:30etik 16:00etara. Gainerakoek, astelehenetik eguenera izango dituzte saioak, 09:10-11:10, 10:00-12:00 eta 19:00-21:00 ordu tarteetan banatuta.
Ikastaro horietarako diru-laguntzak emango ditu udalak, kurtso amaieran. Hain zuzen ere, iazko ikasleek oraintxe daukate eskatzeko aukera, uriaren 14ra bitartean.