Zaldibarko Udalak sinadura-bilketarako kanpaina hasi du, Correos zerbitzuak ezarritako ordutegi murrizketaren kontra. “Aldaketa horrek zerbitzu publikoari kalte egin diola eta murrizketa horrek kaltea ekarri diela gure elizateko herritar guztiei” helarazi gura dio udalak posta kudeatzen duen enpresari.
Gainera, “horregaz urrundu egin dira euren zereginetik”, dio udalak oharrean. “Posta-bulegoa orain arte moduan zabaltzeko eta ordurik ez kentzeko eskatzen dugu udalak eta sinatzaileok”.