Domekan, abenduaren 14an izango da Euskal Herria kalean antolatzen duten Neguko Azokaren XI. edizioa. Baserriko askotariko produktuek atondutako 29 erakusmahai izango dira. Besteak beste; barazkiak, frutak eta okelarekin egindako produktuak, landareak, txakolina, ogia eta gozogintza, eta eztia eta gazta izango dira.
Erakusmahaietako 5ean, artisautzako produktuak izango dira, eta postuetako 4 zaldibarko baserrietatik ekarritako produktuz atonduko dituzte. Erakusketarako ezezik, ohitura denez lehiaketa izango da, eta produktu onenak hautatuko ditu epaimahaiak.