Ainhoa Ruiz de Infante otxandiarra eta Itxaso Erasun nafarra Nafarroa Irekiko finalera sailkatu ziren atzo Lodosako pilotalekuan. Ondo kostata hartu zituzten mendean Goiuri Zabaleta eta Miriam Arrillaga ia ordu eta erdi iraun zuen finalerdian: 22-19.
Lehia ikaragarri gogor eta orekatua izan zen, harmana, hamabina, hamaseina, hamazazpina eta hemeretzinako berdinketak izan zituena, baita markagailuan gora-behera handiak ere. Partidaren azken txanpan, garaipena edozein aldeetara eror zitekeen, baina Ruiz de Infantek oso lan ona egin zuen eta Erasunek asko lagundun zion atzean. Beste finalerdian Sagardui-Gaminde bikoteak 22-13 irabazi zion Salsamendi-Mendiburu bikoteari.
Bikote irabazleen arteko finala domekan (maiatzak 3) jokatuko da Iruñeako Labrit pilotalekuan.