Askotariko kirolak
Pilota eskolako partiduek eta IV. Frontenis Txapelketak abiatuko dute egitaraua, gaur. Bestalde, Bizkaiko Errugbi U8 Topaketa eta futbol partiduak antolatu dituzte zapaturako. Domekan, Durangoko Txirrindulari Eskolak egingo duen erakustaldiagaz hasiko dute eguna. Pump track-ean izango da, 11:00etan; ondoren, ginkana egingo dute bizikletekin. Egitaraua borobiltzeko, beteranoen futbol partidua jokatuko dute. Domekan izango da, 12:00etan.
Kirolgune berria herriko kirol eragileekin, hezkuntza komunitateagaz eta haurrek egindako ekarpenekin elkarlanean garatu dute, udal ordezkariek azaldu dutenez. "Denen beharrizanak eta ideiak kontuan hartu dira", gaineratu dute.