Santamañez gozatzeko egitarau zabala landu du Jai Batzordeak, aurten herriko elkarte eta eragileen parte-hartzeagaz indarberrituta. Santamaña eguna, egun handia dute bihar otxandiarrek. Udal Musika Bandaren kalejirak abiatuko du egitaraua. Eta, Santa Marinaren omenezko meza ostean, herriko umeen pilota partidak jokatuko dira. Txistularien kalejirak, eta, Mutrikuko erraldoi eta buruhandiek alaituko dute eguerdia. Urduri dantza taldearen saioak, eta, Taberna Ibiltaria eta Jotake taldeek borobilduko dute eguna.
Umeen Eguna ospatuko dute, zapatuan. 6. mailakoek txupina botata, puzgarri eta jolasek hartuko dute plaza. Uztailaren 27an agurtuko dituzte jaiak. Bitartean egongo da zer gozatu.