Otxandioko Udalak turismo jasangarria sustatu gura du herrian, eta bide horretan zeintzuk neurri hartu aztertzeko, Bizkaiko Aldundiko Garraioak, Mugikortasun eta Turismo Saileko arduradunekin elkartu da. Udala Otxandiok dituen premiak aztertzeko diagnostiko fase batean dago oraindino, Mikel Abasolo zinegotziaren berbetan. "Indarra zertan ipini behar dugun eta inguruan ditugun azpiegiturak horretara zelan egokitu aztertzeko batzarra izan zen", adierazi zuen. Bestalde, asteburuan zabaldu dute Turismo Bulegoa. Barikutik domekara egongo da zabalik.