Azpeitiko pilotalekua bete egin zen zapatuan, Ados pilota elkartearen Udaberri Torneoa ikusteko. Hiru pilotariko talde bi izan ziren aurrez aurre. Urdinez, Kukuprakak taldea, Ruiz de Infante, Etxekolonea eta Mujika pilotariekin; gorriz, Mitxoletak taldea, Iturriaga, Ruiz de Larramendi eta Mendibururekin.
Kukupraka taldekoek norgehiagoka biak irabazi zituzten eta eurentzat izan zen txapela. Lau eta erdian Ainhoa Ruiz de Infantek 18-12 irabazi zion Ruiz de Larramendiri. Errematean inspiratuta ibili zen otxandiarra. Binaka Etxekolonea-Mujika eta Iturriaga-Mendiburu bikoteek lehia estua mantendu zuten. Azkenean, urdinak nagusitu ziren: 22-20.
