'Katuen kontuak' emanaldiak musika eta literatura uztartzen ditu. Dozena bat kanta eta kanta bakoitzaren sarrera literario bat, horixe da ikuskizunaren muina. “Bidaia luzeko kantak dira, edo, hobeto esanda, kantak dira bidaia”, sortzaileen esanetan. Izan ere, Habanan sorturiko testuek Atlantikoa zeharkatu zuten eta Euskal Herrira heldu ziren. Bestela esanda, hitzak Joseba Sarrionandiak sortu zituen Kuban, orain ia hamar urte. Gose taldeko Ines Osinagak musika ipini zien hitzei, eta 'Gosariak' proiektua gauzatu zuen. Orain, letra horien jatorria eta zergaitia azalduko dituzte emanaldian Osinagaren musikagaz lagunduta.
Joseba Sarrionandia idazle eta poeta iurretarra eta Ines Osinaga musikari arrasatearra Otxandioko Mekoleta auzoan izango dira zapatu honetan, biek elkarregaz landu duten 'Katuen kontuak' ekimenagaz. Emanaldia 19:30ean hasiko da, Arkotxe kultur elkartean.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!