Asteburuan Ponte Di Legnon (Italia) jokatuko den Adamello SKI Raid txapelketan parte hartuko du Aitor Ajuria otxandiarrak. Bikoteka jokatzen den Munduko Txapelketan Ajuriak Rafael Urbizu donostiarragaz parte hartuko du, Euskadiko Selekzioagaz ariko dira.
Ajuria eta Urbizu ez dira izango bakarrak Euskal Selekzioagaz ariko direnak. Asier Alonsok eta Jon Ander Aranburuk bigarren bikotea osatuko dute eta Nahia Quincoces eta Igone Camposek hirugarrena.