Otxandion inauteriak ospatuko dituzte zapatu honetan. Ekimenetariko bat nobedadea da: kuadrillen arteko mozorro lehiaketa, udalak antolaturikoa. Lehiaketarako izen-ematea amaituta dago eta zortzi lagun taldek parte hartuko dute; euretariko bi umeenak dira. Beraz, guztira 80 bat otxandiarrek parte hartuko dute ekimenean.
Parte hartzaileak desfilean irtengo dira Otxandioko Bandagaz, 13:30ean: Andikona plazatik udaletxeko plazara. Honako hauek dira sariak: Lehenengoarentzat luntxa herriko taberna batean, bigarrenarentzat gazta dastatzea Maider Undaren gaztategian, eta hirugarrenarentzat Euskal Herriko produktuz beteriko otzara. Sari banaketa arratsaldean egingo dute, Kittuk 18:00etan egingo duen erromeriaren ondoren. 11Lore elkarteak txokolatea banatuko du.
OTSAILAK 18
- 13:00 Seigarren mailakoen eskutik txupinazoa, inauteriei hasiera emateko. Ondoren, Otxandioko Bandarekin kalejira.
- 13:30 Mozorroen desfilea.
- 14:30 Bazkaria Mainondon.
- 18:00 Erromeria Kittu taldearekin. Ondoren mozorro lehiaketaren sari banaketa eta txokolatea 11Lore elkartearen eskutik.