Zapatua Gazte Eguna izango da eta gazteei begirako ekintzak izango dira nagusi: bazkaria, olinpiadak, musika… 22:00etan, Gorrotoa Gorroto, Estutu eta DJ Rosamari arituko dira, gaztetxean.
Domeka arratsaldean, Oihandi abesbatzako eta Mirugain mendi taldeko kideek txupinazoa jaurtiko dute udaletxeko balkoitik. Iluntzean, Trikizio taldeak erromeria joko du.
Astelehenean, Santa Maña egunean, Otxandiko bandak eta txistulariek herriko kaleak girotuko dituzte, eguerdian. Arratsaldean, 17:30ean, herri kirol erakustaldiak egingo dituzte, plazan, eta, ondoren, Urduri dantza taldeak ikuskizuna egingo du. Gauean, erromeria egongo da, Joselu anaien eskutik.