Errepresioari eta kartzelei aurre egiteko asmoagaz, askotariko jarduerak antolatu dituzte. 10:00etan emango diote hasiera topaketari, irekiera ekitaldi bategaz. Gero, 12:00etan, berbaldi bat egongo da, Arabako Salhaketak eskainita: Espetxea gaur egun. Bertan, hainbat gaik espetxealdian zelan eragiten duten jorratuko dute: Covidak, Eusko Jaurlaritzaren esku-hartzeak...
Arratsaldean, 16:30ean, 'Lorratzak' izeneko ibilbide historikoa egingo dute herritik, eta 18:00etan, Maider Lazkanok monologoa eskainiko du: Gordura y otras historias.
Uhmas kantautorearen kontzertuagaz emango diote amaiera topaketari.
Tatuatzaileak
Topaketan hainbat tatuatzaile ere izango dira: @tiju_tattoo, @nahikarimarin, Nora Lazpita, @tattawtattoo eta Tizne.
Antolatzaileek azaldu dutenez, txanda hartu gura dutenek tattocircuseh@riseup.net helbidera idatzi beharko dute.