'Jantzari' dokumentala eskainiko dute Otxandion

Joseba Derteano 2021ko mai. 24a, 14:00

Urduri dantza taldeak antolatuta, Jantzari dokumentala eskainiko dute Otxandion. Maiatzaren 29ko zapatuan izango da, 19:00etan,  Mainondoko gimnasioan.

Dokumentalak dantza parekidetasunaren ikuspegia lantzen du. Ekimen horren harira, bezperan, maiatzaren 28an, mahainguru bat egingo dute toki berean, 19:00etan. Urduri taldeko sasoi bateko dantzariak eta Iurretako dantzariak batuko dira. Bertan, besteak beste, Urduriren ibilbidea aztertuko dute genero ikuspegitik. Ekimen bietarako sarrera librea da, aforoa bete arte.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!