Honako hau da kanpainaren filosofia: birziklatzerako orduan edukiontziak zenbat eta hobeto erabili, osteko materialen kudeaketa merkeagoa izango da eta, ondorioz, baita zerbitzua bera ere. Kanpainaren barruan, informazio 'Totem'-ak ipini dituzte Otxandion. 15 egunean egongo dira plaza inguruan. Horrez gainera, zapatuan, 11:30etik 13:30era, informazio gune bat ipiniko dute plazan, eta eskuorri informatiboak banatuko dituzte herrian.