Zuhaitzak biluzik ikustean, udal arduradunak tokira bertaratu eta egoera aztertu zuten. Norbaitek zuhaitz horietan zuloak egin zituela ikusi zuten. Zuhaitz bakoitzak zulagailuagaz egiten diren moduko zazpi-zortzi zulo ditu enborrean eta sustrai inguruan. Zulo horietan zuhaitzak kaltetu dituen substantziaren bat isuri du norbaitek. Udalak jarrera horiek gaitzetsi ditu sare sozialetan. "Zuhaitzak guztiz lehortuz gero, jolastokiak gerizpea galdu eta umeak arriskuan egongo lirateke. Natura zaindu egin behar da, ez suntsitu", diote.
Irudian zuhaitzetan egindako zuloetako bat ikusi daiteke. (Argazkia: Otxandioko Udala)
