Kirolgune berriaren asmoa 2015etik dator. Orduan, herritar talde bat batzen hasi zen, premiari irtenbidea emateko. Udalaren eta Mainondo Kirol Elkartearen bitartez aurten ipini dute martxan, pilotaleku azpiko espazio bat berrituta.
Gainerako kirol eskaintzari kalterik eragin ez dion egitasmoa dela nabarmendu dute kirol elkarteko kideek; baita ikastaro askotan neskak, mutilak eta adin askotariko jendea batera dabiltzala ere.