Irteera puntua zein helmuga Otxandioko plazan egongo dira. Emakumeek 12:00etan hasiko dute proba, eta gizonek 10 minutu geroago. Parte-hartzaileek korrika hasi eta amaituko dute duatloia, 5,5 eta 2,8 kilometroko ibilbide banagaz. Bien artean, 20 kilometro egingo dituzte bizikletan.
Umeen duatloia
Umeen artean duatloia sustatzeko baliatuko dute domekako hitzordua. Nagusien proben aurretik, 09:00etan hasita, 3tik 12 urtera arteko haurrei begirako duatloiak antolatu dituzte herrigunean. 100 bat haurrek parte hartuko dute guztira.