Garatek 32 urte ditu eta udal politika ezagutzen du azken legealdi honetan Kultura eta Euskara zinegotzi gisa aritu delako, eta erronka honi “energiaz beteta eta konbentzimendu handiz" ekingo diola adierazi du. "Azken lau urteotan ikasitakoa baliatu nahi nuke Otxandio hobetzera begira”.
Legealdi honetan "oposizio positiboa" egin arren, "zer hobetua badagoela" uste du. Horregatik, "herritarron beharrizanak hobetzera begira uraren kudeaketa eta anbulatorioaren hobekuntza" aipatu ditu, besteak beste, legealdi berrirako proposamen lez.
Otxandiok herri moduan dituen indarguneak azpimarratu ditu. "Nire herriaz oso harro nago, herri txikia izanik denok ezagutzen dugu elkar eta bizikidetza ona daukagu gure artean”.