EHUko adituen talde batek limitaduen gaineko ikerketa egingo du Otxandion

Otxandio eta Aramaio arteko limitaduen arteko eztabaida ez da berria. Urte askoan izan da polemika iturri. Herri bien arteko mugan, nork bere jabetzakotzat hartzen dituen lursail batzuk daude. Hori horrela, ikerketa bat agintzea erabaki du Otxandioko Udalak, egia historikoa zein den argitzeko.

Euskal Herriko Unibertsitateko (EHU) talde bat limitaduen inguruko jatorria ikertzen ari da, udalagaz adostutako hitzarmen baten bidez. Dokumentu historikoetan edo bestelako iturrietan arakatuz, lur horien benetako historia zein den jakin gura dute. EHUko adituen taldea lanean dago dagoeneko eta euren ikerketa 2019. urte amaierarako bukatuko dute.