Gari&Maldanbera taldeak kontzertua eskainiko du Mekoletako jaietan

Joseba Derteano 2018ko eka. 8a, 10:40

Mekoletan hainbat musika kontzertu antolatu dituzte jaien barruan. Esaterako, bihar, 19:30ean, Gari musikariak gidatzen duen Gari&Maldanbera taldearen zuzenekoa ikusteko aukera egongo da.

Ekitaldiz betetako arratsaldea prestatu dute zapaturako. 17:30ean, Urduri taldeak dantza saioa eskainiko du eta, jarraian, haurrentzako jolasak izango dira. Gari eta bere taldearen kontzertuaren ostean, herri afarian batuko dira. Eneko Abasolo, Beñat Ugartetxea, Unai Iturriaga, Aitor Esteban eta Igor Elortza bertsolariek eta Xabi Aburruzaga eta Joseba trikitilariek girotuko dute afalostea.

Gaur ere badago zegaz gozatu. 21:00etan, jaiei hasiera emango dien txupina botako dute. 23:00etan, Anita Parker talde arrasatearrak eta State Alerta  abadiñarrak zuzenekoa eskainiko dute Arkotxe elkartean.

Amaitzeko, astelehenean San Bernabera igoera egingo dute goizean, eta briska eta mus txapelketak 17:00etan.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!