Guztira, bosgarren eta seigarren mailetan ikasten duten mila gazte inguru igaroko dira Otxandiotik sei egunetan. Hogeitabi ikastetxetako ikasleak etorriko dira, eta horietako hainbat eskualdekoak dira: Otxandio, Abadiño, Zaldibar eta Durangoko Landako eskoletako ikasleek parte hartuko dute topaketetan.
Urtero legez, hainbat proba prestatu dituzte egun osoan zehar. Goizetan, mapa bat hartu eta eskola atzeko basoan orientatu beharko dute ikasleek, lau ibilbidetan. Bikoteka ibiliko dira. Bazkalostean, aldiz, herrigunean zehar ibiliko dira, balizen bila. Aniztasun funtzionala duten ikasleentzat proba bereziak antolatuko
dituzte.