Zapatuan IX. Mendi Bizikleta Martxa egingo dute Otxandion. Ibilbide bi prestatu dituzte: 40 kilometrokoa eta 17 kilometrokoa.
Luzea 09:30ean hasiko da Otxandioko plazan, eta San Martin, Azpikoarri, Aldoia, Motxotegi, Gomilatz, Mirugain eta Kondebasotik zehar ibiliko dira. Ibilbide laburragoak zailtasun gutxiago du, eta 09:45ean hasita, Matadero, Presazelai, Aldoia, Gordobil eta Gomilatz ingurutik ibiliko dira.
Anoa postuak Gomilatzen eta Otxandioko plazan ipiniko dituzte. Izen-ematea egunean bertan egin daiteke: 12 euro federatuek eta 15 federatu gabekoek. Plaza kopurua 300 parte hartzailera mugatuta dago.