Otxandion txirrindularitza sustatu guran, mountain bike-ean egiteko ibilbidea antolatu du domekarako, Bizkaiko Txirrindularitza Federazioak.
Ekimena eskola kiroleko adina duten gaztetxoei zuzenduta dago, eta gurasoekin batera parte hartu dezakete 8 kilometroko ibilbidean. Durango, Elorrio, Zaldibar eta beste hainbat herritako txirrindularitza eskolek parte hartuko dute; baita Iurreta Emakumeen Birako txirrindulariek ere. Ibilbideari 10:30ean ekingo diote, plazan.