[EGITARAUA] Janus Lester eta beste hamaika ekitaldi Mañariko Kultur Astean

Maiatzaren 9tik 18ra bitartean, Mañariko Kultur Astea egingo da, eta aurtengo edizioa berrikuntza nabarmen bategaz dator: egitaraua plazatik harago zabalduko dute, herriko zenbait toki aktibatzeko, udaleko iturrien esanetan. 

Horrela, Angurreta eta herriko zenbait taberna hainbat ekitaldiren eszenatoki bihurtuko dira. Esaterako, Jokin Pinatxoren Janus Lester taldeagaz elkarrizketa musikatua antolatu dute Angurretan. Arritoki eta Errekondo jatetxeek Andoni Ollokiegiren eta Rukula taldearen kontzertuak hartuko dituzte, hurrenez hurren. 

Eskaintzan ere, musikaz harago, aniztasuna da nagusi. Tio Teronen Semeak da horren adibide, musika, dantza eta umorea uztartzen dituen ikuskizuna; edo Zuhaitz Gurrutxagaren Futbolistok bakarrizketa saio ezaguna. 

Eskaintzaren barruan, Mañariko Kirikiño abesbatzak sorturiko Kantuez, kontuez… urtea bota proiektua ere nabarmentzekoa da. Angurretan izango da (euria bada, plazan). 

• 19:00 Antzerkia: 'Hilda da Jainkosa', plazan.
• 21:00 Ikuskizuna: Lekittoko Deabruak. Herriko kaleetan.
  

• 17:30 Musika: Esan Ezin, Errekondon (eguraldi txarra bada Errose Bustintza kultur etxean).
  
• 19:00 Musika: Andoni Ollokiegi, Arritokin.
• 20:30 Musika: Sakamantekas, plazan.

• 13:00 Dantza: Tio Teronen Semeak, plazan.
• 18:00 Antzerki musikatua: 'Playlist', kultur etxean.

• 18:00 Elkarrizketa musikatua: Janus Lester (Jokin). Angurretan (eguraldi txarra bada Errose Bustintza kultur etxean).
  

• 19:00 Bakarrizketa: 'Futbolistok', Zuhaitz Gurrutxaga. Errose Bustintza kultur etxean
  

• 17:00 Ipuin kontaketa: Saroa Bikandi. Kultur etxean.
• 20:00 Musika: Rukula. Errekondon.

• 19:00 'Kantuez, kontuez… urtea bota' proiektua, Angurretan (eguraldi txarra bada elizan).
  

• 10:00 Azoka eta VIII. Euskadiko Azpi Gorri txapelketa.
  
• 11:00 Talo eta artile tailerrak (Alluitz Natura). Frontoian.
• 12:00 Andra Mari dantza taldeko haur eta gazteen dantza saioa.