Ohiko udalekuez gainera, joan zen astean udaleku ibiltaria egin zuten 30 bat gaztegaz. Etaparik etapa, Bergara, Soraluze, Elgoibar, Mendaro eta Ondarroa herriak bisitatu zituzten, bost egunean. Herririk herri hainbat ekintza egin zuten. Esaterako, Ondarroan, itsasoan arraunean ibili ziren herriko arraun taldeagaz. Eta Mendaron bertso afaria egin zuten.
Ohiko udalekuetan ere hainbat ekintza egiten dute. Esaterako, martitzenetan igerilekura joaten dira, eguaztenetan hondartzara, eta barikuetan egunpasa egiten dute.