Goizean, 11:00etatik 14:00etara, umeentzako jolasak egongo dira. Ekimen honen ardura Alaiki enpresak izango du. Alaikiren Zuresku jolas guztiek antzeko ezaugarri bat dute: zurez eginikoak dira. Umeek jolas askoren bitartez ipiniko dute proban euren trebetasuna. Aurreko aldi batzuetan umeen arteko futbito txapelketa egin izan dute, baina aurten ekimen berri hau probatzea pentsatu dute Andra Mariko guraso elkarteko kideek.
Horren ondoren, familia giroan bazkalduko dute. Txitxiburduntzia egingo dute plazan. Ez dute txorizorik, hirugiharrik eta gaztainarik faltako. Euria egiten badu, ekimenak pilotalekura tokialdatuko dituzte.