Mikel Bizkarrak eroriko bat izan zuen atzo Okzitaniako itzuliko etapa batean. Beste hainbat txirrindulari ere erori ziren. Ezbeharraren ondorioz Bizkarra ospitalera eraman zuten eta bertan egindako azterketa medikoak "eskuin hankako femurraren burua hautsita" duela egiaztatu zuen, Euskaltel-Euskadi taldeak sare sozialetan informatu duenez. Taldeko masajista batekin etxera itzuli da eta gaur, ostirala, Gasteizko Vithas ospitalean ebakuntza egingo dio Nicolas Fiz Sanchez doktoreak. Fiz espezialista da kirurgia ortopedikoan eta traumatologian.
Txirrindulari mañariarra sasoian zegoen. Esaterako, Esloveniako Itzuliaren aurretik, asteartean, Mont Ventoux Dénivelé Challenge-ean parte hartu eta hamargarren tokian amaitu zuen Mont Ventoux-eko maldetan igoera bikaina egin ostean.