Mañariko frontoi pareko aparkalekuan elkartuko dira harrobira elkarregaz igotzeko. Victor Arrizabalaga artista eta eskultorea izango da bisitako gidaria. Izen-ematea 639 400 786 zenbakiko whatsapparen bitartez egin daiteke.
Angurreta harrobia arte garaikidea aurkezteko espazio berri lez berreskuratu zuten iaz, hainbat artistaren ekimenari eta lanari eskerrak. Joan zen irailean inauguratu zuten, Kanthoria taldeak eskainitako emanaldi bategaz.