Anje Duhaldek kontzertua eskainiko du Mañarian

Maiatzean zehar, askotariko ekitaldiekin gozatzeko aukera egongo da Mañarian. Horien artean, Anje Duhalderen kontzertua nabarmendu daiteke. Musikari lapurtarra herriko plazan ipiniko duten oholtzara igoko da maiatzaren 15eko domekan, 12:00etan. Duhalde euskal rockaren aitzindari izan zen 70eko hamarkadan, Errobi taldeagaz. Gerora, makina bat disko kaleratu du bakarlari modura zein elkarlanean.

Aurreko egunetan ere badago zegaz gozatu. Maiatzaren 13an, 18:30ean, Barsanti Teatroko kideak Legea gara gu kale antzerkiagaz etorriko dira. Antzezlanak, umorea oinarri hartuta, plaza bateko kale zurrutari amaiera emateko asmoz doazen polizia biren istorioa kontatzen du. 

Marko kobara bisita
Mañariko lurretan Marko izeneko kobazuloa dago. Urkiolako Parke Naturaleko altxorretariko bat da eta maiatzaren 14an espeleologia irteera bat antolatu dute koba ezagutzeko.

Egun berean, Hutsun txalaparta taldearen 'Urbasa' kontzertua ikusteko aukera ere egongo da, plazan, 20:00etan. Maiatzaren 20tik 22ra ere hainbat ekintza egongo da; tartean, azoka bat.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.