Eguerdian, 12:00etan, haur kategoriako neska-mutikoen pilota partiduak egongo dira. 17:00etan, berriz, ipuin musikatuak eskainikio ditu Zugamek.
Arratsaldean, musika nagusituko da. 18:00etan, Artaburuak taldearen kontzertua hasiko da. Horren ostean, 19:30ean, Elorrioko Sugoi taldearen zuzenekoa hasiko da. Aurten 18 urte bete dira Sugoi sortu zenetik.
Jaialdiko beste osagai bat otzara solidarioaren zozketa izango da, 20:00etan. Elkarte, denda eta norbanakoek emandako askotariko produktuekin bete dute otzara. Errifak Mañariko U2 tabernan eta Durangoko Urtxintxan eskuratu daitezke.
Otzaragaz batutako dirua Aspanovas Bizkaiko minbizidun haurren gurasoen elkarteari emango diote. Ekitaldiko laguntzaileak dira U2 taberna eta Mañariko Udala.