Segurtasun Saileko iturriek jakinarazi dutenez, larrialdi zerbitzuak mendizale bi bilatzeko lanetan ari dira Leunganen. Mañaria eta Dima inguruko eremu batean ari dira bilaketa lanetan. Bi mendizaleek 20:00ak aldera deitu dute larrialdi zerbitzuetara, hain justu, trumoia lehertu den momentuan. Segurtasun Sailak jakinarazi du momentu honetan bi mendizaleak “bideratzeko lanetan” ari direla. “Asmoa bi herritarrak Basabileko aterpera gidatzea” dela jakinarazi dute.