Horrela, zubia eta plaza modu bitara lotuko dituzte. Batetik, zubitik zuzenean plazara jaitsiko den zazpi mailako eskailera baten bitartez. Bestetik, arrapala bat egingo dute irisgarritasuna ahalbidetzeko. Arrapala hori zirkulu erdi formakoa izango da eta 14 metroko luzera izango du, %8ko aldapa uniformeagaz. Plazatik zubira begiratuta, ezker aldean joango da.
Andra Mari kalerako aldean, ostera, ez da eskailerarik beharko. Parean geratuko dira zubiaren eta kalearen arteko kota. 1,5 metroko pasabide zuzen bategaz lotuko dituzte zubia eta kalea.