Udaleko lokalen erabilera araudia onartu dute Mañarian

Urriko udalbatzarrean, aho batez onartu zuten udalarenak diren eraikinen erabilera arautzen duen araudia. Orain arte, ez zegoen tankera horretako arautegirik indarrean.

Honako gela eta eraikinei eragingo die: udaletxeko bigarren solairuko hiru gelari, pleno aretoari, liburutegi zaharrari zein berriari, gimnasioari eta kultur etxeari. Herriko elkarteek zein irabazi asmorik bako taldeek dohainik erabili ahal izango dituzte. Irabazi asmoa dutenek, ostera, 10 euro ordaindu beharko dute orduko. Bestalde, udal materiala erabili gura dutenek 30 euroko fidantza  ipini beharko dute.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.