Atzo laugarren tokian amaitu zuen Apeninoen Giroa. Ibilbide aldapatsuan —2.8000 metroko desnibel pilatua 198 kilometrotan— bere eskalatzaile dohaiei etekina atera zien eta onenen multzoan heldu zen azken txanpara. Esprintean laugarren tokiarekin konformatu behar izan zuen.
Azken asteetan hainbat emaitza on kateatu ditu txirrindulari mañariarrak: 25. tokian amaitu zuen Euskal Herriko Itzulia, seigarren izan zen Amorebietako Klasikoan eta, oraintsu, 14. amaitu du Alpeetako Tourra. Maiatzaren 3tik 5era Asturiasko Itzulia lehiatuko du.