Topatutako zakarra ontzietan sartu eta soken bidez kanpora atera zuten espeleologoek. "Goiz osoa behar izan genuen hamarkadetan pilaturiko zabor guztia ateratzeko", ohartarazi dute. Gero, materien arabera sailkatu zuten guztia. Beiraz gainera, plastiko eta metalezko ontziak zeuden, eta baita errefusa ere.
Espeleologoen arabera, E-26 zenbakidun leizea Eskuagatxeko mendiguneko hegoaldeko muturrean dago, Akalarratik Artzateko txaboletara doan bidearen albo batean. Bertara iristeko modurik errazena Urkiolatik datorren baso-pista hartzea da.